Agenda: asteburuko ekitaldiak

2011/04/15
Nork

Musika

Hondarribia: Aste Santuko egitarauaren barruan, XXIX. Eliz Musika Zikloa hasiko da gaur. Pasaia Abesbatza izango da zikloko lehen taldea. 20:30ean hasiko da bere emanaldiarekin parrokian. Bihar Madrilgo Vocal Ars taldearen txanda izango da, ordu eta toki berean. Etzi Xatz, Gehitu eta Eskifaia abesbatzek itxiko dute musika zikloa, ordu eta toki berean.

Hondarribia: Herriko Jawara disko jartzaileak Mamutzar jatetxea alaituko du gaur. Horrez gain, Salaberry somelierrarekin garagardo dastaketarako aukera izango da eta menu berezia ere prestatuko dute bertan afaldu nahi dutenentzat. 20:30ean hasiko da.

Oiartzun: Udaberriko Kontzertua izango da Herri Musikaren Txokoan bihar. Georgiako Urmuli taldea igoko da oholtza gainera, 18:30etik aurrera.

Hendaia: Kaperan a kapela musika zikloaren edizio berri bati ekingo diote bihar.  Guztira lau emanaldi eskainiko dituzte, bi udaberrian eta beste bi udazkenean. Kalakan taldea izango da aurtengo programa abiatzeko arduraduna, bihar, 19:00etan. Baigorriko abeslari eta perkusionista hirukoteak, tradiziozko abestiak kantatzen ditu, bere estilora moldatuz. Kontzertua Abbadiako izar behatokian izanen da.

Irun: Ariel Rot abeslariak kontzertua emango du bihar Amaia Kultur Zentroan, 20:00etan hasita. Sarrera orokorrak 12,80 euro balio du eta 8,30 euro gazte txartelarekin ordainduz gero.

Errenteria-Orereta: Udal Txistulari Taldeak antolatuta, Erdiguneko txokoak alaituko dituzte txistulariek etzi goizeko bederatzietatik aurrera.

Errenteria-Orereta: Txistu kontzertua izango da etzi, 12:30ean, udaletxeko arkupeetan.Irun: Irun Hiria Musika Bandaren kontzertua izango da etzi Amaia Kultur Zentroan. 12:00etan hasiko da.

Irun: Kabigorri Bidasoaldeko Ateneoak Angel Unzu gitarristaren emanaldia antolatu du etzirako, 19:30ean.

Jaiak

Oiartzun: Kataxulo Gaztetxiaren urteurrenaren haritik, Jon Plazaolak monologoa eskainiko du Kataxulon bertan, 22:00etan hasita, gaur. Bihar, 11:00etatik aurrera, bizikleta martxa, jolasak, bazkaria, kontzertuak eta beste hamaika ekitaldi antolatu dituzte.

Donibane: Bixi-Bixik antolatuta, ikuskizun berezia eta merienda izango da 17:00etan, gaur.

Irun: Meakako jaien barruan, txakur erakustaldia egingo du Alvaro Morenok 18:00etatik aurrera. 21:00etan afaria egingo dute auzoko bizilagunei zuzendua.

Hitzaldiak

Oiartzun: Plataforma logistikoaren kontrako jardunaldia izango da gaur udaletxean Oiartzun Arriskuan izenburupean. Mahai-inguruan Pavel Viñas Oiartzungo Planeamendu zinegotziak eta Haritz Salaberria Lezoko alkateak hartuko dute parte. Ilunabarreko zazpietan hasiko da solasaldia.
Trintxerpe: Bekoz Beko elkarteak antolatuta, Garbiñe Biurrun epaileak hitzaldia emango du gaur alkateordetzan, 19:00etan hasita. Bikoteen arteko banaketetan legeak zer dioen argituko du, besteak beste. Emakumea eta eskubideak: arazoak sortzen dituzten gaiak izenburua jarri diote hitzaldiari.
Irun: Zer dira genealogia eta kaparetasun delako horiek? izenburupean hitzaldia emango du Iñaki Garrido historialariak bihar. Aldabe jauregian izango da hitzaldia, 19:30ean. Gero, afaria izango da eta joan nahi izanez gero, meaka84@gmail.com helbide elektronikora idatzi behar da.
Irun: Korrika Kulturalaren barruan, Euskal kantagintza berriaren historia laburra 1961-1992 hitzaldia izango da bihar, Irungo EKTn. Hitzaldia Andoni Tolosa Morau-k musikatuko du.
Deialdiak
Irun: Noble eta Fiel Amigo elkarteko kideek txakurra dutenei dei egin diete Dunboa ikastetxera joateko gaur. Izan ere, bi elkarteetako kideek txakurrekin harremanak hobetzeko aholkuak emango dituzte, besteak beste. Interesdunek goizeko hamarretarako azaldu behar dute ikastetxean.
Irun: Emakumeen kontrako biolentzia gehiagorik ez lelopean, elkarretaratzea deitu dute. Zabaltza plazan izango da, bihar, 12:00etan.

Azokak

Hondarribia: Arte azoka izango da etzi Minatera kalean (kirol kaian). 10:00etatik 14:00etara joan ahal izango da azokan dauden produktuak ikustera. Hilaren 24an ere azoka bera jarriko dute, toki eta ordu berean.

Etiketak: ,

Berriketan.info

Viewing item 1 to 2 (of 2 items)

RSS Oarso Bidasoko Hitza

  • Xatz eta Eskifaia koruen emanaldia, baluartean 2014/07/31
    Eskifaia Abesbatzak eta Xatzek emanaldia eskainiko dute hilaren 31n, ostegunez, Erreginaren Baluartean. 20:00etan hasiko da eta sarrera libre izango da. […]
    Hondarribiko Hitza
  • Adur-Bidasoa margo lehiaketaren oinarriak argitara eman dituzte 2014/07/30
    Irungo Udalak Adur-Bidasoa XXIII. Pintura Lehiaketaren nondik norakoak zabaldu ditu gaur goizean. 18 urtetik gorako edozeinek parte har dezake lehian, eta interesdunek irailaren 2tik 7ra bitartean aurkeztu beharko dituzte lanak Amaia KZn. Deialdiaren oinarriak tokiko gobernuaren webgunean kontsulta daitezke. […]
    Irungo Hitza